१३ भदाै काठमाडाैँ । गोरखा जिल्लाको आरुघाट गाउँपालिका वडा न ९ घर भएका ३६ बर्षीय वडासदस्य शंकर माँझीको अरिङ्गाल पोल्ने क्रममा रुखबाट लडेर मृत्यु भएको गाउँपालिकाकी उपाध्यक्ष कल्पना नेपालीले जानकारी दिनुभयो ।
हिजाे साँझ साथीहरुसंगै अरिङ्गाल पोल्न जानु भएका माँझी अरिङ्गाल पोल्न क्रममा एक्कासी रुखबाट खसेर ढुङ्गामा ठाेकीएर मृत्यु भएको हाे । आरुघाट गाउँपालिका स्थित लामाबगर भन्ने ठाउँमा सिमलको रुखमा अरिङ्गालको गोला पोल्ने क्रममा सिमालकाे रूखकाे हाँगा भाँचिएर भुइँमा खस्दा मृत्यु भएकाे हाे ।
घाइते माँझीलाई उपचारका लागि आरुघाट प्राथामिक स्वास्थकेन्द्रमा पु¥याइएको र उपचारका क्रममा मृत्यु भएको हो । मृतक माँझी नेपाली काग्रेसबाट वडासदस्यमा निर्वाचित हुनुभएको थियो । वडासदस्य माँझीको दुःखद निधन भएकोमा गाउँपालिकाले आज पालिका भित्र शोक विदा दिएको पालिका उपाध्यक्ष कल्पना नेपालीले जनाकारी दिनु भयाे ।
