काठमाण्डौको दक्षिणकाली नगरपालिका २मा टिपरको ठक्करबाट १ जनाको मृत्यु भएको छ । मृत्यु हुनेमा नुवाकोटको बेल्कोटगढी नगरपालिका १ घर भएका २४ बर्षीय संदिप तामाङ रहेका छन् । बाग्मती प्रदेश ०१-००३ क ८६९० नम्बरको मिनि टिपर ब्याक गर्ने क्रममा सडक निर्माणमा खटिएका कामदार तामाङलाई हिजो साँझ ६ बजे ठक्कर दिएको हो । घाईते भएका तामाङको ललितपुरको भैंसेपाटी मेडिसिटि अस्पतालमा उपचारको क्रममा साँझ साढे ६ बजे मृत्यु भएको हो ।
