२१ भदाै काठमाडाैँ । गोरखाको भीसमेन थापा गाउँपालिकाले तिजमा गीत तथा बक्तृत्वकला प्रतियोगिताको आयोजना गर्ने भएको छ । यसै गरी नेपाली हिन्दु नारीहरुको महान पर्व हरितालिका तिजको अवसर पारेर प्रतियोगिताको आयोजना हुने भएकाे हाे ।
यही भदौ १३ गते बसेको गाउँ कार्यापालिकाको बैठकले पालिका भित्र तिज गीत र बक्तृत्वकला प्रतियोगिता आयोजना गर्ने निर्णय गरेको पालिका प्रमुख प्रशासकिय अधिकृत चित्रबहादुर अधिकारीले जानकारी दिनुभयो । यस कार्यक्रममा तिज गित प्रतियोगितामा पालिका भित्रका प्रत्येक वडाबाट एकएक समुह र वक्तृत्वकला प्रतियोगिता पालिका भित्रका माध्यामिक विद्यालयहरुबाट एकएक जनाको सहभागिता रहने गाउँपालिकाले जनाएको छ ।
यसमा तिज गितकाे प्रतियोगितामा सहभागीता हुने समुहलाइ प्रथम हुने लाइ नगद रु १० हजार, दोस्रो रू ७ हजार,तेस्रो रु ५ हजार नगद पुरस्कार प्रदान गरिने प्रमुख प्रशासकिय अधिकृत अधिकारीले बताउनुभयो ।बक्तृत्वकला प्रतियोगितामा सहभागीले हुने समूहलाइ प्रथमलाइ रू ५ हजार,दोस्रो रू ४ हजार, तेस्रो रू ३ हजार र सान्तव्ना हुने लाई २ हजार पुरस्कार प्रदान गरिने गाउँपालिकाले जनाएको छ ।
