४ असाेज काठमाडाैँ । नेपालकाे सरकारी शिक्षकहरूले दोस्रो दिनपनि काठमाडौंमा ठूलाे रूपमा प्रदर्शन गरेका छन् । अाज बिहीवार काठमाडौंको माइतीघर मण्डलामा भेला भएर शिक्षकहरूले नयाँ बानेश्वरसम्म र्याली निकालेका हुन् ।
विद्यालय शिक्षाको अधिकार स्थानीय तहबाट हटाएर केन्द्रमा ल्याउनु पर्ने लगायत मागसहित शिक्षकहरू बुधवारदेखि आन्दोलनमा छन् । १७ बुँदे माग पूरा गराउन भन्दै शिक्षकहरू हिजो पनि काठमाडौंमा प्रदर्शन गरेका थिए । शिक्षकहरूको आन्दोलनका कारण देशभरका सामुदायिकमा विद्यालयमा पठन पाठन बन्द गरेका छन् ।
यसै क्रम शिक्षक र प्रहरीबीच बानेश्वरमा ठेलमठेल अवस्था बन्दै गएकाे छ । माग पूरा नभएसम्म आन्दोलन जारी राख्ने शिक्षकहरूले बताएका छन् ।सरकारसँग भएका छलफल सकारात्मक नभए पनि शिक्षकहरूले आन्दोलनलाई जारी राख्ने बताएका छन् ।
