७ मंसिर काठमाडाैँ । गोरखा दरौंदी क्रसर उद्योगको परिसरबाट सामानहरु चोरी गरेको आरोपमा एक युवा पक्राउ परेका छन् ।
सिरानचोक गाउँपालिका–.६, स्थित दरौंदी क्रसर उद्योगको परिसरबाट क्रसर उद्योगको सामानहरु चोरी भएको घटनाको अनुसन्धानका क्रममा लमजुङ दुधपोखरी गाउँपालिका–१, माझबारी बस्ने बर्ष २४ को रमेश भट्टराईलाई पक्राउ गरिएको प्रहरीले जनाएको छ ।
उक्त क्रसरबाट चोरी भएको सामान खोजतलास गर्दै गोरखा नगरपालिका.१३ बाट क्रसर मेसिनको प्राईमरी पीन दुई थान सहित भट्टराईलाई पक्राउ गरिएको हो । पक्राउ परेका भट्टराई बिरुद्ध प्रहरीले आज चोरी कसूर शीर्षकमा मुद्दा दर्ता गरी अनुसन्धान अघि बढाएको छ । घटना बारे थप अनुसन्धान भइरहेको छ ।
