१९ मंसिर काठमाडाैँ । १६ औं फेका कप अन्तरविद्यालय छात्र फुटबल प्रतियोगिता बिहीबारदेखि स्वच्छ शैक्षिक प्रतिस्पर्धीहरुको संगठन (फेका) को आयोजनामा हुने भएको छ ।
प्रतियोगितामा २४ टिमले नकआउट पद्धतिमा प्रतिस्पर्धा गर्ने फेकाका सह–सचिव एवं कार्यक्रम संयोजक राजु दाहालले जनाएका छन् ।शीर्ष चार स्थान हात पार्ने टिमले क्रमशः ३० हजार, २० हजार, १० हजार र ५ हजार नगद पुरस्कार पाउने छन् ।
प्रत्येक खेलको ‘म्यान अफ द म्याच’ का साथै उत्कृष्ट गोलरक्षक, डिफेन्डर, मिड फिल्डर, फर्वाड र प्रशिक्षकलाई ट्रफी प्रदान गरिने छ । पुस १ गतेसम्म चल्ने प्रतियोगिताका खेलहरु मूलपानी चौर खेल मैदानमा हुनेछ ।
