४ पुष काठमाडौँ । पूर्वपश्चिम राजमार्गको बाराको ३ नम्बर पुलमा बस र ट्रक ठोक्किँदा ३ जनाको मृत्यु भएको छ ।
बाराको जितपुर सिमरा उपमहानगरपालिका वडा नम्बर २२ को ३ नम्बर पुल नजिक काठमाडौँतर्फ जाँदै गरेको बा ३–००१ख २५८७ नम्बरको बस र हेटौडाबाट पथलैयातर्फ जाँदै गरेको ना ७ ख ७३०० नम्बरको ट्रक एक आपसमा ठक्कर खाएर दुर्घटना भएको हो ।
दुर्घटनामा बस चालक हेटौँडा ३ बसामाडीका हरिशम्सेर सुयाल थापा, तनहुँका २८ वर्षीय पूर्ण गुरुङ,र एक जना पहिचान नखुलेको व्यक्ति रहेका छन् ।
दुर्घटनामा ६ जना घाइते भएको इलाका प्रहरी कार्यालय सिमराले जनाएको छ । अरू थप विवरण आउन बाकी रहेको प्रहरीले बताएको हो ।
