१३ पुष काठमाडौँ । गोरखाको बारपाक सुलिकोट गाउँपालिका वडा न -३ स्वाँराका डिलबहादुर थापा मगरलाई सौरपानीको गो-ड्राईभर बा मेमोरियल फाउण्डेशन दृष्टले रू २५ हजार आर्थिक सहयोग प्रदान गरेको छ । उक्त फाउण्डेशनले बिहीवार एक कार्यक्रम बीच आगलागी पिडित मगरलाई रू २५ हजार रकम बराबरको चेक हस्तान्तरण गरिएको फाउण्डेशनले दृष्टका सचिव मिलन ढकालले बताए ।
आगलागीबाट क्षति पुगेको उनको घर पुनर्निर्माणका लागी उक्त रकम सहयोग गरिएको उनले जानकारी दिए। रकम हस्तान्तरण गर्दा गाउँपालिका अध्यक्ष बिष्णु भट्ट, वडा न ३ का वडा अध्यक्ष बल बहादुर गुरुङ , वडा न ६ वडा अध्यक्ष बाबुलाल गुरुङ,वडा न ७ का वडा अध्यक्ष कृष्ण गुरुङ र फाउण्डेशन ट्रस्टका उपाध्यक्ष टिका प्रसाद ढकाल लगायत स्थानियको उपस्थिति तथा रोहोबरमा पिडित डिल बहादुर थापा मगर लाई घर पुननिर्माणमा सहयोग स्वरुप ट्रस्टको तर्फ बाट रु २५,००० चेक हस्तान्तरण गरिएको हो ।
उक्त पिडितको घरमा गत कार्तिक १२ गते विद्युत सर्ट भई आगलागीबाट मगरको घर जलेर नष्ट भएको थियो । आगलागीबाट करिव ९ लाख बराबरको क्षति भएको बताइएको छन् । पीडित मगरका परिवार अहिले अस्थायी टहरामा बसोबास गर्दै आएका छन् ।
