२० पुष काठमाडौँ ।आज देखि सुरू भएको धरान उत्सव प्रधानमन्त्री पुष्पकमल दाहाल ‘प्रचण्ड’ उपस्थित नभएपछि धरानका मेयर हर्क साम्पाङले ज्येष्ठ नागरिकद्वारा उत्सवको उद्घाटन गरिएको छ ।
उक्त उत्सव धरानकी ज्येष्ठ नागरिक १०३ वर्षीया चन्द्रमाया कट्टुवालले गरेकी हुन् । धरानका मेयर हर्क साम्पाङले धरान उत्सवमा प्रमुख अतिथिको रूपमा प्रधानमन्त्री पुष्पकमल दाहाल ‘प्रचण्ड’ लाई निमन्त्रणा गरेका थिए ।
प्रधानमन्त्रीले आउन नसक्ने जवाफ दिएपछि उनले आफ्नो कार्यकक्षमा राखिएको प्रधानमन्त्रीको तस्बिर हटाएका थिए । धरान स्थापनाको १२३ वर्ष पुगेको अवसरमा आजबाट धरान उत्सव सुरु भएको हो ।
५ दिनसम्म चल्ने उत्सवमा देशभरका विभिन्न पालिकालाई निम्तो गरिएको छ । सोहीक्रममा काठमाडौँ महानगरपालिकाका मेयर बालेन साह पनि धरान पुगेका छन् ।धरान उत्सवको सुरूमा विभिन्न जातजातिको संस्कृति झल्किने र्याली प्रदर्शन गरिएको छ ।
