२४ पुष काठमाडौँ । त्रिभुवन अन्तराष्ट्रिय विमानस्थलको भन्सार चेकिङ क्षेत्रमा अहिले निकै सुधार हुदै आएको छ । विमानस्थलमा यात्रुको भीडलाई मध्यनजर गर्दै भन्सार कार्यालयले आगमन कक्षलाई व्यवस्थित गरिएको हो।
त्रिभुवन अन्तर्राष्ट्रिय विमानस्थलबाट दैनिक एक सय हाराहारी अन्तर्राष्ट्रिय उडान हुने गरेकाले जहाज अवतरण गरेपछि एक्सरे मेसिनसामु अव्यवस्थित भीड हुने गरेको पाइन्छ ।
भिडका कारण हुने समस्यालाई समाधान गर्न आगमन कक्षको ‘एक्स(रे’ मेसिनतर्फको क्षेत्रलाई फराकिलो बनाइएको छ। त्यहाँ रहेका तीन वटा ‘एक्स(रे’ मेसिन केही पर सारिएका छन्। विदेशबाट आउने यात्रुका सामान ‘एक्सरे’मा परीक्षणका लागि थप जनशक्ति खटाइएको छ। एक्सरे मेसिन समेत थप गरिएको छ।
भन्सार कार्यालयले नेपाल एकेडेमी अफ टुरिज्म एन्ड होटेल म्यानेजमेन्ट ९नाथम०सँग सम्झौता गरी १८ जना ‘स्मार्ट रिसिभर’ खटाएको हो।
