३ माघ काठमाडैँ । सामाजिक सञ्जालमा महिलाको चरित्रहत्या गर्ने एक व्यक्तिलाई प्रहरीले पक्राउ गरेको छ । नेपाल प्रहरी प्रधान कार्यालय साइबर ब्यूरोले सामाजिक सञ्जालको दुरुपयोग गरी महिलाको चरित्रहत्या गरेको उजुरीका आधारमा प्रहरीले सङ्खुवासभा चिचिला गाउँपालिका -२ स्थायी घर भएका सोही स्थानमा बस्ने ३२ वर्षीय केशरमान राइलाई प्रहरीले पक्राउ गरेको हो ।
पक्राउ परेका राइर्ले पीडित महिलाको फेसबुक पेज युट्युबमा नाम ठेगाना र तस्बिर सार्वजानिक गरी मानसिक आघात पुर्याएको कार्यमा संलग्न रहेको पाइएको ब्यूरोले जनाएको छ । प्रहरी उपरीक्षक प्रवक्ता एवम् सूचना अधिकारी पशुपति कुमार रायले यसका साथै पीडित महिलालाई दुःख दिई चरित्रहत्या हुने कार्य गरेको जानकारी दिनुभयो । उहाँका अनुसार पीडित महिलाले चरित्रहत्या हुने कार्य गरेर दुःख दिइरहेकाले निजलाइ विद्युतीय कारोबार ऐन २०६३ असराध अन्तर्गतको कारबाही गरी पाउ भनी ब्यूरोमा निवेदन दिएकी थिइन् ।
प्रवक्ता रायका अनुसार सोही निवेदनका आधारमा अनुसन्धान गर्दा संङ्खुवासभाको चिचिला गाउँपालिका–२ स्थायी घर भएका राइलाई ब्यूरोबाट खटिई गएको टोली र जिल्ला प्रहरी कार्यालय संङ्खुवासभाको सहयोगमा माघ २ गते सोही स्थानबाट पक्राउ गरि माघ ३ गते काठमाडौँ जिल्ला अदालतको आदेशले ७ दिनको म्याद थप गरि आवश्यक अनुसन्धान कार्य भईरहेको प्रहरीले जानकारी दिए ।
