२१ माघ काठमाडौँ ।गोरखा जिल्ला भलिबल संघ, गोरखाको प्रथम साधारण सभा हिजो सम्पन्न भएको छ। यस कार्यक्रममा जिल्ला भलिबल संघका अध्यक्ष कृष्ण गुरुङको अध्यक्षता र जिल्ला खेलकुद विकास समितिका अध्यक्ष शान्तसिंह बस्नेतको प्रमुख आतिथ्यतामा प्रथम साधारण सभा सम्पन्न भएको हो ।
उक्त सभामा विभिन्न निर्णयहरु समेत गरीको छ । यस सभाले आउँदो चैत महिनामा पालिका स्तरीय महिला तथा पुरुष भलिबल प्रतियोगिता आयोजना गर्ने निर्णय गरेको संघका अध्यक्ष कृष्ण गुरुङले जानकारी दिनुभयो । संघका अध्यक्ष गुरुङका अनुसार प्रतियोगिता आयोजना गर्ने निर्णय भए पनि कति गतेबाट सुरु गर्ने भन्ने कुराचाहिँ हामी पत्रकार सम्मेलन गरी सार्वजनिक गर्ने समेत बताउनु भयो ।
प्रतियोगितामा संघले प्रथम, द्वितीय र तृतीय हुने महिला तथा पुरुष दुवै टिमलाई पुस्कार वितरण गर्ने निर्णय गरेको छ । यसमा प्रथम हुने टिमलाई नगद रू ७० हजार ट्रफी र प्रमाणपत्र, द्वितीय हुने टिमलाई नगद रू ५० हजार ट्रफी र प्रमाणपत्र र तृतीय हुने टिमलाई नगद रू ३० हजारट्रफी र प्रमाणपत्र प्रदान गर्ने पनि निर्णय भएको छ ।
उक्त साधारण सभामा प्रमुख अतिथि जिल्ला खेलकुद विकास समितिका म अध्यक्ष बस्नेत, संघका सल्लाहकार एवं राष्ट्रिय लोक तथा दोहोरी गीत प्रतिष्ठानका पृथ्वी गुरुङ, पूर्व प्रहरी इन्स्पेक्टर हरि थापा, संघका महासचिव राजुबाबु श्रेष्ठ, कोषाध्यक्ष लक्ष्मण काप्रीलगायतले मन्तव्य राख्नु भएको थियो ।
