४ फागुन काठमाडाैँ । माइतीघर मण्डलामा टाँगिएको ‘निषेधित क्षेत्र’को ब्यानर जलाइएको छ। निषेधित क्षेत्रमा टाँगिएको ब्यानर हटाउन माग गर्दै युवाहरूले ब्यानर जलाएकाे हुन् ।
आरती साहको न्यायका लागि आन्दोलनमा रहेका आरतीका दाइ प्रेम साह, धर्ना बसिरहेका गोरखाका तेल घलेलगायत तीन जनाले माइतीघरमा टाँगिएको ‘निषेधित क्षेत्र’ लेखिएको ब्यानर जलाएका थिए ।त्यस क्रममा उनीहरुले निषेधाज्ञा खारेज गर, आरती साहलाई न्याय दे, भ्रष्टाचारी आर्मी मुर्दावादलगायतका नारा लगाएका थिए।
सरकारले माइतीघरलाई निषेधित क्षेत्र घोषणा गरेपछि माइतीघरमा धर्नामा रहेकाहरूलाई शान्तिबाटिकामा धर्ना बस्न भनिएको थियो। तर आज बिहान महानगर प्रहरीले त्यहाँबाट पनि भृकुटीमण्डप लगेको थियो। उनीहरू तीन जनालाई प्रहरीले पक्राउ गरेको छ।
