२२ चैत काठमाडौ । हेटौडा उप-महानगरपालिका १४ बँदेलधापमा हिजो साँझ मोटरसाइकल दुर्घटना हुँदा चालक गम्भीर घाइते भएका छन् । घाइते भएका स्थानीय ३५ वर्षीय अर्जुन कुमार थिङको उपचार हेटौडामा रहेको सन्चो अस्पतालमा भइरहेको छ ।
हेटौडा बजारबाट बँदेलधापतर्फ जाँदै गरेको बाग्मती प्रदेश-०३-००२ प ९९५२ नम्बरको मोटरसाइकल हिजो साँझ पौने ७ बजे अनियन्त्रित भई बिजुलिको पोलमा ठोकिएको थियो । चालकले मदिरा सेवन गरेर मोटरसाइकल चलाएको अस्थायी प्रहरी पोष्ट मयुरधाप मकवानपुरले जनाएको छ ।
