७ चैत काठमाडाैँ । पाँचथरमा चट्याङले लागेर प्रहरी सहायक हवल्दारको मृत्यु भएको छ । गएकाे मंगलबार राति प्रहरी चौकीमा परेको चट्याङ लागेर प्रहरी चौकी गोपेटारमा कार्यरत ३५ वर्षीय प्रहरी सहायक हवल्दार पाण्डवकुमार माझीको मृत्यु भएको प्रहरीले जनाएको छ ।
चट्याङ लागेर घाइते भएका प्रहरीलाई उपचारका लागि प्राथमिक स्वास्थ्य केन्द्रमा साधारण उपचार पछि राति नै थप उपचारका लागि जिल्ला अस्पताल पुराउदा पुराउदै चिकित्सकले मृत घोषित गरेका थिए । मृतक माझीको शव परीक्षणका लागि जिल्ला अस्पतालको शव गृहमा राखिएको प्रहरीले जनाएको छ ।
