२६ चैत काठमाडौँ । धादिङको कृष्णभीरमा जनमत पार्टीका नेता अब्दुल खानको सवार गाडी दुर्घटना भएको छ । आज सोमबार बिहान साढे आठ बजेतीर काठमाडौँबाट चितवन जाने क्रममा बिएसी २७३५ नम्बरको सरकारी कार धादिङको बेनीघाटको रोराङ गाउँपालिका वडा न ७ को कृष्णभीरमा दुर्घटना भएको जिल्ला प्रहरी कार्यालय धादिङका प्रमुख एसपी गौतमकुमार केसीले जानकारी दिनु भयो । दुर्घटनामा संसाद खानको दाहिने हातमा चोट लागेको प्रहरी केसीले बताए ।
जिल्ला प्रहरी कार्यालय धादिङका प्रमुख एसपी गौतमकुमार केसीका अनुसार कार सावारमा सांसद अब्दुल खानसहित चार जना गाडीमा रहेको थिए । घटनामा सबै जना सामान्य घाइते हुनुभएको छ।
उहाँहरूलाई उपचारको लागि मलेखु अस्पताल पुराइ प्रथामिक उपचार पछि काठमाडौं पठाएको पनि बताए । अहिले उनीहरको काठमाडौँको बीर अस्पतालमा उ उपचार हुने बताइएको छ। दुर्घटनाका कारण सडक बनाउँदै गरेका र कार पनि तीव्र गति भएकोले दुर्घटना भएको केसीले जानकारी दिए।
