१८ वैशाख काठमाडौँ । भक्तपुरको सूर्यविनायक सृजनानगरमा कार र स्कुटर एकआपसमा ठोकिक्दा घाइते स्कुटर चालकको उपचारको क्रममा मृत्यु भएको भएको छ । दुर्घटना सूर्यविनायक वडा न ५ जगातीबाट काठमाडौँतर्फ जाँदै गरेको बाग्मती प्रदेश नम्बर ०१ ०३० चं ०९९५ नं को कार र सोही दिशातर्फ जाँदै गरेको बा ७३ प २८३६ नं को स्कुटर एकआपसमा ठोक्किदा एक जनाको मृत्यु भएको हो ।
दुर्घटनामा घाइते भएका स्कुटर चालक रामेछाप लिखु तामाकोशी गाउँपालिका‐४ घर भई हाल काठमाडौँ माइतिघर बस्ने २३ वर्षीय सुजन तामाङको मध्यपुर अस्पतालमा उपचारका क्रममा आज मृत्यु भएको जिल्ला प्रहरी परिसर भक्तपुरका प्रहरी नायब उपरीक्षक राजन कार्कीले जानकारी दिए ।
दुर्घटनामा स्कुटर पछाडि सवार गर्ने भक्तपुर सल्लाघारी बस्ने २३ वर्षीय राज तामाङको भने मध्यपुरथिमि अस्पतालमा उपचार भइरहेको र कार चालक सुनसरी धरान उप–महानगरपालिका‐१३ घर भई हाल काठमाडौँ कलंकी बस्ने ३१ वर्षीय आशिष श्रेष्ठलाई पक्राउ गरी प्रहरी वृत जगाती भक्तपुरको हिरासतमा राखिएको छ । घटनाको थप अनुसन्धान भइ रहेको छ ।
