२४ साउन काठमाडौँ । हिजो बुधबार भएको नुवाकोट शिवपुरीमा एयर डाइनेस्टीको हेलिकोप्टर दुर्घटनामा मृत्यु हुनेहरुको शव परीक्षण गर्न सुरु गरिएको छ ।
दुर्घटना पछि हिजो शव काठमाडौँ ल्याए पनि आज टिचिङ अस्पतालको महाराजगन्जमा शव परीक्षण थालिएको एयर डाइनेस्टीका व्यवस्थापक बालकृष्ण पण्डितले जानकारी दिए । उक्त दुर्घटनामा एक नेपाली तथा चार चिनियाँ नागरिकको मृत्यु भएको थियो ।
हेलिकोप्टरका क्याप्टेन अरुण मल्लको शव परीक्षण गरी परिवारको जिम्मा लगाउने तयारी भएको छ । बाकी तिन जनाको चिनियाँ राजदूतावाससँग समन्वय भइरहेको बताए ।
