१० बैशाख काठमाडौ। प्रधानमन्त्री पुष्पकमल दाहाल 'प्रचण्ड'ले नेपालमै बनेका सवारी साधन दर्ता गर्न आवश्यक कानूनी प्रबन्धको प्रक्रिया अगाडि बढाउन निर्देशन दिएका छन् ।
यात्री लगायत नेपालमा उत्पादित सवारी साधन दर्ता नभएको गुनासोलाई गम्भीरता पूर्वक लिँदै प्रधानमन्त्रीले सम्बन्धित निकायलाई यस्तो निर्देशन दिएका हुन् ।
"यात्री लगायत नेपालमा उत्पादित सवारी साधन दर्ता नभएको भन्ने गुनासोलाई गम्भीरता पूर्वक लिएको छु ।
एक ट्वीटमा उनले भनेका छन्, "सवारी साधन दर्ता एवम् स्वदेशी उत्पादनलाई प्रवर्द्धन गर्नेगरी तत्काल कानूनी प्रबन्धको प्रक्रिया अगाडि बढाउन नेपाल सरकारका मुख्य सचिव मार्फत सम्बन्धित निकायलाई निर्देशित गरेको छु ।"
