२४ पुस काठमाडौँ । कुपण्डोल फ्रेन्ड्स भेट्रानले दोश्रो ललितपुर मेयर कप भेट्रान फुटबल प्रतियोगितामा मंगलबार जित हात पारेको छ ।जावलाखेल मैदानमा कुपण्डोल फ्रेन्ड्स भेट्रानले डिल्लीबजारलाई ६–० को फराकिलो गोलअन्तरले पराजित ग¥यो ।
विजेताका हर्कराज थापाले २ तथा महेन्द्र खवास, सुनिल सुवेदी, चन्द्र तामाङ र हरिहर थापाले समान १–१ गोल गरे ।श्री कुसुन्ती युवा क्लब र ललितपुर महानगरपालिका वडा १३ द्वारा संयुक्त आयोजित प्रतियोगितामा बीबीसी र जोरपाटी भेट्रान विजयी भए ।
बीबीसीले तार्केश्वर युथ क्लबलाई ३–१ गोलले हरायो । बीबीसीका दीपक लामा, नवीन न्यौपाने र आकाश छन्त्यालले गोल गरे । तार्केश्वरका सूर्य गर्तौलाले सान्त्वना गोल गरे । जोरपाटीले टीवाईएन नख्खु भेट्रानलाई २–० गोलले पाखा लगायो ।
जोरपाटीका लागि तीर्थ लामा र रन्जित लामाले गोल गरे ।त्यस्तै बिजी फुटसलले इमाडोल भेट्रान तथा डिफेन्डिङ च्याम्पियन कुपण्डोल ४० प्लस भेट्रानले सरस्वतीनगरलाई टाइब्रेकरमा पन्छाए ।
