४ माघ काठमाडौँ । भैरहवा मायादेवी गाउँपालिका ६ डुमरा चोक नजिकैबाट बिहीबार साँझ साइकल सवार गरि रहेका एक व्यक्तिसंग स्रोत नखुलेको १५ लाख ७० हजार रुपैयाँसहित एक जना पक्राउ परेका छन् ।
विशेष सूचनाका आधारमा मायादेवी गाउँपालिका–७ हरनामपुरका ३० वर्षीय निरजकुमार मिश्रालाई पश्चिमबाट डुमरा चोक आउँदै गर्दा नगदसहित नियन्त्रणमा लिएको जिल्ला प्रहरी प्रवक्ता डीएसपी मोहनमणि अधिकारीले बताए ।
झोलाबाट प्रहरीले एक हजारका ८९० वटा, पाँच सयका एक हजार ३२० वटा, सयका १८० वटा र पचासका ४० वटा नोट रहेको प्रहरीले जनाएको छ ।पक्राउ परेका मिश्रा प्रहरी नियन्त्रणमा छन् । घटनाबारे थप अनुसन्धान भइरहेको छ ।
