८ माघ काठमडौँ । गोरखामा भएको १२ औं जिल्ला स्तरीय राष्ट्रपति रनिङशिल्डको उपाधि चौथो पटक पनि सिरानचोक गाउँपालिकाले जितेको छ । जिल्लाको रनिङशिल्ड प्रतियोगिता गत शनिकबारदेखि सुरु भएर हिजो सोमबार सम्पन्न भएको हो ।
उक्त प्रतियोगिता सधै भरि जिल्लाको सदरमुकामको गोरखा नगरपालिका हुने थियो , भने यो चोटी भने गोरखा पालुङटार नगरपालिकामा १२ औँ जिल्ला स्तरीय राष्ट्रपति रनिङ शिल्ड प्रतियोगिताको सुरु भएको थियो । यस प्रतियोगितामा हरेक बर्ष लगातार सिरानचोक गाउँपालिकाले तीन पटक उपाधि विजेता बनेसँगै रनिङ शिल्डमा पाउने शिल्ड पनि आफनो बनाएको छ । यो बर्ष सम्पन्न खेलहरुमा ७ स्वर्ण, ९ रजत र ३ कास्य गरी १९ पदक जित्दै सिरानचोक गाउँपालिका प्रथम भएको हो ।यसै प्रतियोगितामा दोस्रो हुने पालुङटार नगरपालिकाले ६ स्वर्ण, ६ रजत र ८ कास्य गरी २० पदक जितेको थियो । तेस्रो हुने भिमसेनथापा गाउँपालिकाले ५ स्वर्ण, ४ रजत र ३ कास्य गरी १२ पदक जितेको हो ।
यस जिल्ला भरिका ११ वटै पालिकाबाट सहभागि रहेका पालिकाहरु मध्यबाट गोरखा नगरपालिकाले २ स्वर्ण, २ रजत र २ कास्य, सहिदलखन गाउँपालिकाले ३ कास्य र गण्डकी गाउँपालिकाले ४ स्वर्ण, १ रजत र ४ कास्य पदक र बारपाक सुलिकोट गाउँपालिकाले ३ स्वर्ण, ४ रजत र ३ कास्य, चुमनुब्री गाउँपालिकाले २ कास्य, धार्चे गाउँपालिकाले १ रजत र आरुघाट गाउँपालिकाले १ कास्य पदक, अजिरकोट गाउँपालिकाले ३ स्वर्ण, ३ रजत र ४ कास्यपदकमा जित हात पारेको आयोजकले जानएको छ ।
जिल्ला खेलकुद बिकास समितिको आयोजना तथा पालुङटार नगरपालिकाको सहआयोजनामा तीन दिनसम्म संचालन भएको जिल्ला स्तरीय प्रतियोगिता पालुङटारस्थित भवानी मावि, माझटार खेलमैदानमा भएको हो । प्रतियोगितामा भलिबल, कबड्डी, एथ्लेटिक्स र मार्शल आर्टस् विधामा प्रतिस्पर्धा भएको थियो ।
