१४ बैशाख काठमाडौ। नेपालमा उत्पादन हुने सवारीसाधन दर्ता गर्ने बाटो खुलाएको छ ।विभागले यातायात व्यवस्थापन कार्यविधि निर्देशिका २०६०लाई संशोधन गर्दै नयाँ व्यवस्था मिलाएको हो । जसमा उक्त कार्यविधिको बुँदा नम्बर ११.१ अन्तर्गत देहायअनुसार नयाँ बुँदा ११.१.९ थप गरी संशोधन गरेको हो ।
१. यस निर्देशिकामा अन्यत्र जुनसुकै कुरा लेखिएको भएतापनि विदेशबाट पाटपूर्जा पैठारी गरी नेपालमा जडान हुने वा नेपालमा नै उत्पादन हुने सवारीको नयाँ दर्ता, सरुवा दर्ता, हेरफेर दर्ता, लिलाम दर्ता, पुन दर्ता र नामसारी लगायतका प्रयोजन का लागि त्यस्तो सवारीको भन्सार प्रज्ञापनपत्र आवश्यक पर्ने छैन ।
२. नेपालमा जडान हुने वा उत्पादन हुने सवारीको नयाँ दर्ता, सरुवा दर्ता, हेरफेर दर्ता, लिलाम दर्ता, पुन दर्ता र नामसारी लगायतका कार्यका लागि जडानकर्ता वा उत्पादक कम्पनीले भन्सार प्रज्ञापनपत्रको सट्टा मूल्य अभिवृद्धि कर विजक र प्रचलित कानून बमोजिम अन्तः शुल्क सम्बन्धी प्रावधान आकर्षित संशोधन गरेको हो ।
