२५ माघ काठमाडौँ । नेपाली राष्ट्रिय महिला भलिबल टोलीकी स्पाइकर सरस्वती चौधारी सशस्त्र प्रहरी बलको जागिर छाडेर अस्ट्रेलिया उडेकी छन् । गण्डकी प्रदेशमा भर्खरै सम्पन्न टाइगर कप लगत्तै उनी अस्ट्रेलिया पुगेकी हुन् । सरस्वती टाइगर कपकै लागि अस्ट्रेलियाबाट नेपाल आएकी थिइन् ।
सरस्वती आठ वर्ष अगाडि सेवा प्रवेश गरेकी थिइन् ।गत आइतबार सम्पन्न फाइनलमा एपिएफ आयोजक टाइगर ग्रुपसँग पराजित भएको थियो । एपिएफका लागि उनले प्रधमान्त्री कप, एनभिए लिग च्याम्पियनसिप, टाइगर कप लगातयताका थुप्रै घरेलु प्रतियोगिता जितेकी छन् ।
यसैगरी सरस्वतीले विभागीय प्रतिद्धन्द्धी नेपाल पुलिस क्लबबाट खेल्दा सेन्ट्रल एसियन भलिबल एसोसिएसन (काभा) महिला क्लब च्याम्पियनसिपको पनि उपाधि जितेकी छन् ।सरस्वतीले सन् २०१७ मा राष्ट्रिय टोलीका लागि डेब्यू गरेकी थिइन् ।
