३० माघ काठमाडौँ । पर्सामा खसीको मासु भन्दै बाख्राको मासु बेचेको आरोपमा प्रहरीले एक जना पक्राउ गरेको छ । पक्राउ पर्नेमा पर्सा वीरगन्ज महानगरपालिका वडा न १३ का ४१ वर्षीय हारुन मियाँ अन्सारी रहेका छन्।
उनले प्रहरीले सोमबार साँझ ६ बजे पक्राउ गरेको हो।आसमिन फ्रेस हाउस चलाइरहेका अन्सारीले खसीको भनी बाख्राको मासु बेचिरहेको सूचनाका आधारमा वडा प्रहरी कार्यालय श्रीपुरको टोली त्यहाँ पुगेको थियो।
प्रहरी टोली पुग्दा अन्सारीको पसलबाट खसीको अण्डकोष टाँसिएको बाख्राको मासु १५ केसी बरामद भएको थियो ।अन्सारीलाई कालोबजार ऐन अन्तर्गत जिल्ला प्रशासन कार्यालयबाट मंगलबार पाँच दिन थुनामा राख्ने भनिएको थियो ।
