३० माघ काठमाडौँ । गोरखा शहिद लखन गाउँपालिकाका प्रत्येक वडामा सम्भव नेपाल संस्थाले खेलकुदका सामग्री वितरण गरेको छ । पालिका भित्रका सबै वडालाई तीन थान भलिवल, एक थान भलिबल नेट, दुई थान पम्प, पाँच थान सिठी र १५ सेट जर्सी वितरण गरिएको संस्थाले जनाएको छ ।
पालिकालाई छुट्टै ९ थान भलिवल र ५ थान भलिवल नेट पनि हस्तान्तरण गरेका थिए । मंगलवार शहिद लखन गाउँपालिका–७ काउलेभंगारमा आयोजित एक कार्यक्रमका बीच संस्थाले पालिका अध्यक्ष रमेश थापा मगरलाई सामग्रीहरु हस्तान्तरण गरेका हुन् ।
कार्यक्रमकै अवसरमा संस्थाले शहिद लखन, आरुघाट र गण्डकी गाउँपालिकाका बाजा तथा भजन समूहलाई पञ्चेबाजाको सेट उपलब्ध गराएको छ । गण्डकी गाउँपालिका–३ को वडा बाजा समूह, वडा नम्वर ६ को मगर बाजा समूह, आरुघाट गाउँपालिका–८ को लामागाउँ बाजा समूह र शहिद लखन–८ को भजन समूहलाई दौरा सुरुवाल सेट सहित वितरण गरिएको हो ।
