१ फागुन काठमाडौँ । काठमाडौंको ठमेलमा प्रहरीलाई कुटपिट गरेको अरोपमा अखिल नेता कमलराज जोशी पनि पक्राउ परेका छन् । नेता जोशीलाई बिहीबार दिउँसो प्रहरीले नयाँ बानेश्वरबाट पक्राउ परेको गरेको काठमाडौँ प्रहरीले बताए । उनीहरुले गत माघको २४ गते राति उनीसहितका व्यक्तिले डिउटीमा खटिएका प्रहरी माथि कुटपिट गरेको हुन् ।
घटनामा पिटाई खाने दरबारमार्ग वृत्तका प्रहरी हवल्दार जगुलाल चौधरी र जवान नर्गेन्द्रराज विष्ट रहेका थिए । उनीहरुको मोटरसाइकल समेत लडाएर जोशीसहित पाँच जनाको संलग्नता देखिएपछि उनलाई भने सत्ताको आडमा जोगाइएको भन्दै प्रतिनिधिसभ बैठकमा समेत सांसदहरुले गृहमन्त्रीमाथि प्रश्न उठाएका थिए।
सो घटनामा संलग्न ताप्लेजुङका दिनश सिग्देल र डडेल्धुराका रमेश फुलारा गत २७ माघमा पक्राउ परेका थिए । घटनामा संलग्न अन्य दुई अझै फरार छन् । मदिरा पिएर होहल्ला नगर्न भनेर सम्झउँदा उनीहरुले प्रहरीको मोटरसाइकल लडाएर कुटपिट गरेका थिए। पक्राउ परेका जोशी यसअघि पनि विभिन्न अपराधिक मुद्दामा चार पटक पक्राउ परिसकेको खुलेको छ ।
