२७ फागुन काठमाडौँ । काठमाडौं पब्लिक यूथ क्याम्पसमा स्ववियु निर्वाचन अनिश्चितकालका लागि स्थगीत भएको छ ।
स्ववियु निर्वाचन समिति २०८१ का निर्वाचन अधिकृत डा. राजुभाइ मानन्धरले एक सूचना जारी गर्दै असामान्य परिस्थितिका कारण निर्वाचन स्थगन भएको जानकारी गराएका हुन् ।
सूचनामा भनिएको छ, ‘मिति २०८१ चैत्र ५ गते सम्पन्न गर्ने भनिएको स्ववियु निर्वाचनको आज २०८१ चैत्र २७ गतेदेखिको बाँकी प्रक्रिया हाल असामान्य परिस्थिति उत्पन्न भएको हुँदा अर्को सूचना नभएसम्मको लागि स्थगन गरिएको व्यहोरा सम्बन्धित सबैलाई सूचित गरिन्छ ।
त्रिभुवन विश्वविद्यालयअन्तर्गतका ६२ आंगिक र १ हजार ४ क्याम्पसमा चैत ५ गते स्ववियु चुनाव हुँदै छ।त्यसका लागि मंगलबार उम्मेदवारी मनोनयन भइरहेको हो।
