४ चैत काठमाडौँ । गोरखा पालुङटारमा १३ बर्षीया बालिकालाई जवरजस्ती करणी गरेको आरोपमा एक युवक पक्राउ परेका छन् । पालुङटार नगरपालिका वडा न–१ का २२ बर्षीय सुनिल सुनारलाई शनिवार जिल्ला प्रहरी कार्यालयले गोरखाले पक्राउ गरेको बताए ।
पिडितले दिएको जाहेरी अनुसार फागुन १८ गते राती करिव दश बजेको समयमा सुनारले बालिकालाई जवरजस्ती करणी गरेको र पीडितका आफन्तले फागुन २६ गते सुनारबिरुद्ध गोरखा प्रहरीमा जाहेरीका दिए । प्रहरीले सोही जाहेरीको आधारमा सुनारलाई शनिवार विभिन्न स्थानमा खोजतलास गरि पक्राउ गरेको गोरखा प्रहरी जनाए ।
पिडितले दिएको जाहेरी लगतै प्रतिवादी फरार थिए । उनलाई प्रहरीले विभिन्न मध्यम प्रयोग गरि खोजतलासको क्रममा पानपा २ बाट पक्राउ गर्न सफल भएको जानकारी दिए । पक्राउ परेका सुनारबिरुद्ध जवरजस्ती करणी कसूर शीर्षकमा मुद्दा दर्ता भइ थप अनुसन्धान भइरहेको प्रहरीले जनाएको छ ।
