१४ चैत काठमाडौँ ।नेपाल विद्युत प्राधिकरणको कार्यकारी निर्देशकबाट कुलमान घिसिङलाई हटाए पछि सरकारको निर्णयविरुद्ध राष्ट्रिय प्रजातन्त्र पार्टीले माइतीघरमा प्रदर्शन गरेको छ ।
आज माइतीघर मण्डलामा भेला भएर राप्रपाका नेता कार्यकर्ताहरूले कुलमान हटाउने सरकारको निर्णयविरुद्ध प्रदर्शन गरेका हुन् ।
उनीहरूले ‘लोडसेडिङ चाहिँदैन, कुलमान हटाउन पाइँदैन’, ‘मन्त्रिपरिषद्को निरंकुश र भ्रष्ट निर्णय खारेज गर’, देशलाई अँध्यारो बनाउने षडयन्त्र विपल पारौँ,’ लगायतका नारा बोकेर प्रदर्शनमा उत्रिएका हुन् ।
सरकारले घिसिङको काम सन्तोषजनक नभएको ठहर गर्दै चैत ११ गते पदबाट हटाउने निर्णय गरेको थियो ।
