१७ चैत काठमाडौँ । रुकुम नापी कार्यालयको डिजिटल बोर्ड ह्याक भएपछि कार्यालयले क्षमा मागेको छ । सरकारी कार्यालय रुकुम पश्चिमको आठबिसकोट नगरपालिकाको
नापी कार्यालयको डिजिटल बोर्ड ह्याक गरेर ‘आई लभ यु प्रमिला, आई रियल्ली लभ यु ‘ लेखिएको थियो। नापी कार्यालयले आज एक विज्ञप्ति निकाल्दै डिजिटल बोर्डमा आपत्तिजनक शब्दहरू डिस्प्ले भएको विषयमा छानबिन गर्ने बताएको छ ।
नापी कार्यालय आठविसकोटमा रहेको डिजिटल बोर्ड ह्याक गरी नापी कार्यालयको नाम हटाई अनावश्यक शब्दहरू डिस्प्ले भएको हुँदा सो सम्बन्धमा यस नापी कार्यालय आठविसकोटको गम्भीर ध्यानाकर्षण भएको छको समेत विज्ञप्तीमा उल्लेख गरिएको छ । यस विषयमा सेवाग्राही र सर्वसाधारणमा पर्न गएको असुविधा प्रति नापी कार्यालय क्षमा प्रार्थी छ ।
