२१ चैत काठमाडौँ । सर्लाहीमा इन्स्पेक्टर हुँ’ भन्दै होटल संचालकलाई धम्की दिएको आरोपमा नेपाल प्रहरीले एक युवकलाई पक्राउ गरेको छ । आफूलाई ‘नेपाल प्रहरीको व्यूरोको इन्स्पेक्टर हुँ’ भनेर होटल संचालकलाई धाकधम्की दिएको आरोपमा प्रहरीले युवकलाई पक्राउ गरेको हो ।
प्रहरी टोलीले हरिवन नगरपालिका वडा नम्वर ६ का २९ बर्षीय अनुक्रम खरेललाई बुधबार साँझ पक्राउ गरेको जिल्ला प्रहरी कार्यालय सर्लाहीका प्रवक्ता एवं डिएसपी सरोज राईले जानकारी दिए ।उनका अनुसार मलंगवा नगरपालिका वडा न १० स्थितमा रहेको साहारा गेष्ट हाउसका संचालकलाई धाकधम्की दिएको आरोपमा पक्राउ गरिएको हो ।
होटल संचालकलाई धाकधम्की दिएको सूचना प्राप्त हुनसाथ जिल्ला प्रहरी कार्यालय मलंगवाबाट खटिएको प्रहरी टोलीले पक्राउ गरेको उनको भनाइ छ ।पक्राउ परेका खरेललाई प्रहरी हिरासतमा राखेर अवश्यक अनुसन्धान भइरहेको रहेको जिल्ला प्रहरी कार्यालय सर्लाहीले जनाएको छ ।
