२१ चैत काठमाडौँ काठमाडौ महानगरपालिकाका प्रमुख प्रशासकीय अधिकृत सरोज गुरागाईं कार्यालयमा हाजिर गराउन रोक्न मेयर बालेन शाहले महानगर प्रहरी परिचालन गरेका छन् ।
आज कमलादीस्थित काठमाडौं महानगरको कार्यालयमा एकातिर कर्मचारीहरु सबै वडाबाट जम्मा भएर प्रमुख प्रशासकयि अधिकृतको स्वागतका लागि बसेका छन् भने अर्कोतर्फ उनलाई रोक्न मेयरकले नगर प्रहरी तयार पारेका छन् । ५ महिनादेखि तलब नपाएको र महानगरको काम ठप्प भएको भन्दै कर्मचारीले नै प्रशासकीय अधिकृतलाई हाजिर गराउन खोजेका हुन् ।
काठमाडौं टावरको नक्सा पासमा अनियमितता गरेको भन्दै मेयर बालेन साहले उनलाई अघोषित निलम्बनमा राखेका थिए । उनलाई कार्यालयमा प्रवेश निषेध गरिएको थियो ।मेयर साहले गुरागाईंलाई हटाएर नयाँ प्रमुख प्रशासकीय अधिकृत ल्याउन चाहेका थिए । तर, उनीमाथिको कुनै पनि आरोप पुष्टि नभएकाले सरकार गुरागाईलाई हटाउन तयार भएन ।
