२९ चैत काठमाडौँ । म्याग्दीको धवलागिरि गाउँपालिकाको ताकम–मच्छिम–मुना सडक बोलेरो जीप मर्मत गर्ने क्रममा च्यापिएर एकजनाको मृत्यु भएको छ ।
सडक छेउमा रोकिराखेको ग १ ज ७०४९ नम्बरको बोलेरो जीपको पछाडीको भागले च्यापिएर धवलागिरि–३ मुनाका अन्दाजी २६ वर्षीय रोहित शेरपुञ्जाको घटनास्थलमा मृत्यु भएको जिल्ला प्रहरी कार्यालयले जनाएको छ ।
सडक छेउमा रोकेर राखेको गाडी मर्मत गर्ने क्रममा लच्किएर शेरपुञ्जाको शरिरको कम्मरमा च्यापेको जिल्ला प्रहरी कार्यालयका प्रहरीले बताए । थप टोली अनुसन्धानका लागि त्यसतर्फ जाँदै गरेको बताए। शेरपुञ्जाले गाडी मर्मत सम्बन्धी काम गर्थे ।
