२९ चैत काठमाडौँ । राष्ट्रिय प्रजातन्त्र पार्टीले चैत १५ गते तीनकुनेमा भएको हिंसात्मक घटनाको सम्पूर्ण जिम्मा प्रधानमन्त्रीले लिनुपर्ने बताएको छ । आज भएको प्रतिनिधि सभाको कानुन न्याय तथा मानवअधिकार समितिको बैठकमा राप्रपाका सांसद ध्रुव बहादुर प्रधानले तीनकुनेको घटना बारे सरकारले नै नियोजित रूपमा गराएको आरोप लगाएका हुन् ।
यही चैत १५ गते काठमाडौँको तीनकुनेमा भएको राजवादीको प्रदर्शनको क्रममा दुई जनाको ज्यान गएको थियो भने तोडफोड र आगजनीबाट निजी तथा सार्वजनिक सम्पत्तिमा क्षति पुगेको थियो ।राजावादीहरूले गरेको प्रदर्शन भने तनावपूर्ण भएको थियो ।राप्रपा सांसद प्रधानले प्रहरीले तीनकुनेको मञ्चमा टियर ग्यास हानेर प्रदर्शनकारीलाई उत्तेजित बनाएको र अप्रिय घटना भएको जिकिर गरे ।
‘राजावादी र गणतन्त्रवादी भनेर कम्पेयर गर्न खोजियो । नेतृत्वको हिसाबले प्रधानमन्त्रीले सम्पूर्ण जिम्मेवारी लिनुपर्छ ।तीनकुने घटनाको निष्पक्ष छानबिन गरेर सही निचोडमा पुग्न न्यायिक आयोग गठन गर्नुपर्ने उनले बताए ।
