३ वैशाख काठमाडोँ । काठमाडौं महानगरपालिकाले महानगर प्रहरीलाई बर्खास्त गर्ने निर्णय गरेको छ । बुधबार बिहानैदेखि सामाजिक सञ्जालमा भाइरल भइरहेको एक भिडियोबारे काठमाडौं महानगरपालिकाले कारबाही अघि बढाएको हो ।
साइकलमा हिँडिरहेका एकजना कवाडी संकलकलाई लछारपछार गरेको आरोपमा काठमाडौं महानगरपालिकाले कारबाही गर्न सुरु गरेको छ । महानगरपालिकाले उक्त घटनामा संलग्न नगर प्रहरीलाई बर्खास्त गरिएको जनाएको छ ।
काठमाडौं महानगरपालिका-४ बालुवाटार क्षेत्रमा प्रहरीले अमर्यादित तथा गैह्रव्यवसायिक ढंगले सम्पादन गरेको भन्दै जिम्मेवारीबाट मुक्त गरिएको हो ।
महानगर नगरप्रहरी प्रमुख राजुनाथ पाण्डेले बुधबार एक विज्ञप्ती जारी गर्दै उक्त घटनामा संलग्नलाई पदमुक्त गरिएको जानकारी दिएका छन् ।पाण्डेले पदमु्क्त गरिएका प्रहरीको नाम खुलाइएको छैन ।
