२४ वैशाख काठमाडौँ । अधिवेशनको समय तालिका नमिल्दा एमालेका युवा सङ्घका नेता र कार्यकर्ताबिच झडप भएको छ । नेकपा एमाले पर्वतको पार्टी कार्यालयमा युवा सङ्घका नेता र कार्यकर्ताबिच हानाहान भएको हो ।
उक्त झडपमा गण्डकी प्रदेशका सदस्य अर्जुन निर्जन पौडेल र युवा सङ्घका नेता धुर्ब श्रेष्ठ घाइते भएका छन् ।पौडेलको शान्तिदिप अस्पतालमा उपचार भइरहेको छ ।
गणेश तिमिल्सिना र पदम गिरी समूहबिच झगडा भएको जानकारी भएको छ ।गिरी पक्षले अधिवेशन डाकेको थियो भने तिमिल्सिना पक्षले समय सार्न माग गरेको थियो । दुवै पक्षको कुरा नमिल्दा झगडा भएको हो ।
