३१ वैशाख काठमाडौँ । काठमाडौँ न्यूरोडको सुरज आर्केड पछाडि पर्ने मखन गल्लीमा आगलागी हुँदा एक जनाको मृत्यु भएको छ। आगलागीमा परी एकजना महिलाको मृत्यु भएको तर उनको सनाखत हुन बाँकी रहेको काठमाडौँ प्रहरीले बताए ।
माटो र काठले बनेको दयाराम श्रेष्ठको कच्ची ४ तले घरको तेस्रो तल्लामा ग्याँस लिक भई आगलागी सुरु भएको प्रहरीले जनाएको छ।
आगलागीले सँगै रहेको रुकेश श्रेष्ठको ५ तले पक्की घरमा समेत आगो सल्काएको थियो।आगो निभाउन काठमाडौं र ललितपुरका ६ वटा दमकल प्रयोग गरिएको थियो ।
दमकल, नेपाली सेना, अन्य सुरक्षाकर्मी र स्थानीयको प्रयासमा आगलागी नियन्त्रणमा लिइएको हो ।
