३१ वैशाख काठमाडौँ । सिन्धुली जिल्लाको सुनकोशी गाँउपालिकामा पहिलो पटक समलैंगिक विवाह दर्ता भएको छ । सिन्धुलीकी शुसिला रम्तेल र धादिङकी प्रमिला तामाङ्ग बीच विवाह भइ विवाह दर्ताका लागि निवेदन दिए अनुसार गाउँपालिकाले आज विवाह दर्ता प्रमाणपत्र हस्तान्तरण गरीएको गाउँपालिका प्रमुख प्रशासकीय अधिकृत अर्जुन दर्जीले जानकारी दिनु भयो । यो विवाह अन्तरजातीय समेत रहेको छ ।
यस पालिकामा पहिलोपटक समलैंगिक विवाह दर्ता भएको छ । सिन्धुली सुनकोशी गाउापालिका वडा न ६ घर भएकी शुसिला रम्तेल र धादीङ जिल्ला गल्छी गाउँपालिका वडा न ५ घर भएकी प्रमिला तामाङबीचको विवाहलाई नेपालको स्थानीय प्रशासनले दर्ता गरेको हो ।
स्थानीय पञ्जिकाधिकारी डण्डपाणि भण्डारीले सर्वोच्च अदालतको अन्तरिम आदेशबमोजिम रम्तेल र तामाङको विवाह दर्ता गराउनु भएकाे हो । रम्तेल र तामाङबीचको विवाह आज बुधबार दर्ता गरिएको गाउँपालिका प्रमुख प्रशासकीय अधिकृत दर्जीले बताउनु भयो ।
उनीहरूले विवाह गरेको मिति २०८२ वैशाख १७ गते गते राखिएको छ । तर स्थानिय प्रशासनले मिति २०८२ १ वैशाख ३१ गते गिरएकाे छ । याे विवाह दर्ता प्रमाणपत्रमा विवाहको प्रकारमा सामाजिक परम्पराअनुसारु उल्लेख गरिएको छ । यो विवाह दर्ताको अभिलेख भने अस्थायी रूपमा राखिने पनि प्रमाणपत्रमा उल्लेख छ ।
सर्वोच्चले नै अस्थायी अभिलेख रहने गरी विवाह दर्ताको व्यवस्था मिलाउन सरकारका नाममा अन्तरिम आदेश जारी गरेको थियो । उनीहरु दुईबिच भएको विवाह भने श्रीमान शुसिला रम्तेल दलित वर्ग भित्र पर्छ भने श्रीमती प्रमिला तामाङ जनजाति भित्र पर्छ ।
