२१ जेठ काठमाडौँ । नेकपा माओवादी केन्द्र निकट युवा संगठन योङ्ग कम्युनिस्ट लिग वाईसीएलको अध्यक्षमा सहमति हुन सकेको छैन् । तेही सहमति नभए पछि इन्चार्ज रामप्रसाद सापकोटा दीपशिखा, अध्यक्ष सुबोध शेर्पाली लगायतका नेताहरू पार्टी अध्यक्ष पुष्पकमल दाहाल प्रचण्ड निवास खुमलटार पुगेका थिए ।
सहमतिमै नेतृत्व टुङ्ग्याउनका लागि दीपशिखा र शेर्पाली प्रचण्डसँग राय लिन खुमलटार गएको एक नेताले बताए । ती नेताका अनुसार अध्यक्ष पदमा पुष्प ओली, केहरसिंह कुँवर, नवराज ऐर र गणेश शाहीले दाबी गरेका छन् । सहमति वा निर्वाचन प्रक्रिया जे भए पनि कुँवर, ओली, ऐर र शाहीमध्ये एकबाट आउने सम्भावना रहेको ती नेताले दाबी गरे । दीपशिखा र सुबोधजी अध्यक्ष प्रचण्डले भेट्न खुमलटार गएका छन् । अध्यक्ष पदका लागि चार जनाले दाबी छोडेका छैनन् ।
सहमति वा निर्वाचन प्रक्रियाबाट जे भए पनि केहरसिंह कुँवर, पुष्प ओली, नवराज ऐर र गणेश शाहीमध्ये एक जना अध्यक्ष बन्ने सम्भावना देखिन्छ । यद्यपि अहिलेसम्म खुमलटारबाट केही खबर आएको छैन । सहमति नभए निर्वाचन प्रक्रियामा जाँदा दीपशिखा पक्षबाट केहरसिंह र पुष्पमध्ये एक जना अध्यक्षको उम्मेदवार बन्ने सम्भावना रहेको छ । अध्यक्ष सुबोधको तर्फबाट नवराज र गणेशमध्ये एक अध्यक्षको उम्मेदवार बन्ने सम्भावना रहेको छ । बिहानको भेटमा पार्टी अध्यक्ष प्रचण्डले सहमति नभए निर्वाचन प्रक्रियाबाट टुङ्ग्याउन आदेश दिनु भएको छ ।
