२९ असार काठमाडौँ । गोरखाको गोरखा नगरपालिकामा ईभी माईक्रो दुर्घटना भएको छ । उक्त दुर्घटनाले मोबाईल पसलमा ठूलो क्षती पुराएको छ । गोरखा नगरपालिका वडा न –६ को अस्पताल मार्गको चालिसे चोक नजिकै बाग्मती प्रदेश ००६ ख ६३२२ नम्बरको ईभी माईक्रो दुर्घटना भएको जिल्ला ट्राफिक प्रहरी कार्यालय गोरखाले जनाएको छ ।
गोरखा बजारबाट ध्याम्पेशाल तर्फ जान लागेको उक्त माईक्रो चालिसे चोकमा रोकी राखेको अवस्थामा माईक्रो आफै पछाडी हटेर दुर्घटना भएको एक जना प्रत्यक्ष दर्शीले बताए । माईक्रो ब्याक हुदा अतालिएर हाम्फाल्ने क्रममा गोरखा नगरपालिका–३ नारेश्वरकी ४१ बर्षिया कबिता तिवारी सामान्य घाईते भएकी छिन् ।
उनको गोरखा अस्पतालमा उपचार लगत्तै डिस्चार्ज गरिएको छ ।बिकास मोबाईल सेन्टरको पसल भित्र परेको माईक्रो कारण पसलमा क्षती पुगेको छ । क्षतीको पूर्ण विवराण भने आउनै बाँकी छ ।
