१० भदाैँ काठमाडौं । हरितालिका तिजको अवसरमा पशुपतिनाथ मन्दिरमा दर्शन गर्न आएका भक्तजन तथा चेलिबेटीलाई वाइसिएल नेपाल विशेष प्रदेशले निःशुल्क खाने पानी वितरण गरेको छ। बिहानैदेखि पशुपति क्षेत्रमा देखिएको भक्तहरूको ठूलो भीडलाई लक्षित गर्दै सो प्रदेशले सामाजिक उत्तरदायित्वअन्तर्गत खाने पानी वितरण कार्यक्रम सञ्चालन गरेको हो।
कार्यक्रममा सहभागी वाइसिएल नेपाल विशेष प्रदेशका पदाधिकारीहरूले तिजमा व्रत बसेका महिलाहरूलाई तिर्खा नलागोस् भन्ने उद्देश्यले पानी वितरण गरिएको बताए। भक्तजनहरूले यस्ता सामाजिक कार्यले धार्मिक मेलामा सहजता मिलेको भन्दै वाइसिएल नेपाललाई धन्यवाद दिएका छन्।
