३० असोज काठमाडौँ । नेकपा माओवादी केन्द्रका नेता गणेश साहले नेकपा माओवादी केन्द्र छाडेको घोषणा गरेका छन् । एक कार्यक्रममा बोल्दै उनले आफू ७५ वर्ष पुगिसकेको र जेनजी आन्दोलनको सकारात्मक पक्षलाई ख्याल गर्दै ‘राजनीतिबाट अवकाश’ लिएको बताएका हुन् ।
योसँगै माओवादी केन्द्र समेत छाडेको बताउँदै उनले भनेका छन्, ‘अब म माओवादीको नेता रहिनँ, सदस्य पनि रहिनँ । साह भंग भएको माओवादी केन्द्रीय समितिमा सचिव पदमा थिए ।
पूर्व विज्ञान मन्त्री समेत रहेका उनी एकता प्रक्रियाबाट माओवादी केन्द्रमा आएका थिए । अब कुनै पनि पार्टीमा नलाग्ने उनले पटक-पटक दोहोर्याएका छन् ।
