३१ असोज काठमाडौँ । नेपाल टेनिस संघको १२ औं वार्षिक साधारण सभा शुक्रबार सातदोबाटोस्थित केन्द्रीय कार्यालयमा सम्पन्न भएको छ ।
संघका अध्यक्ष मनोहरदास मुलको अध्यक्षतामा भएको साधारण सभामा केन्द्रीय कार्यसमितिका पदाधिकारी र प्रदेशका प्रतिनिधिको भौतिक र भर्चुअल रुपमा उपस्थिति रहेको थियो ।
सो अवसरमा संघका महासचिव निरेशबहादुर श्रेष्ठले संघले निर्वाचित भएपछि गरेका गतिविधि र भावी योजना बारे प्रकाश पारेका थिए ।गत साउन १० गते भएको चुनावी साधारण सभाले मुलको अध्यक्षतामा केन्द्रीय कार्यसमिति निर्विरोध चयन गरेका थियो ।
संघका कोषाध्यक्ष जयजीव हाडाले आर्थिक प्रतिवेदन प्रस्तुत गरेको टेनिस संघका कार्यालय सचिव प्रवीण देवकोटाले जनाएका छन् ।
