१० कार्तिक काठमाडौँ । गोरखा सिरानचोक गाउँपालिकाभित्र रहेको धार्मिक र पर्यटकीय स्थलहरू तस्बिर सार्वजानि गरिएको छ । गाउँपालिकाले “अब घुमौं गोरखाको सिरानचोक” भन्ने अभियान अन्तर्गत सिरानचोक गाउँपालिकाको ऐतिहासिक, धार्मिक र पर्यटकीय स्थलहरू परिचय गराउने तस्बिर गोरखाको गोरखा नगरपालिकाको १२ किलो चोकमा तस्बिर सहित ब्यर्नर राखिएको छ ।
सो तस्बिरमा सिरानचोक गाउँपालिकाभित्रका प्रमुख आकर्षण स्थलहरू — सिरानचोक डाँडा, भच्चेक, बारपाक लगायत अन्य धार्मिक तथा प्राकृतिक सुन्दरताले भरिएका ठाउँहरू समावेश गरिएको छ ।
१२ किलो चोकबाट सिरानचोक हुँदै भच्चेक, बारपाक, सुलिकोट लगायतका विभिन्न स्थानहरू सहज रूपमा पुग्न सकिने भएकाले यो क्षेत्र गोरखाको प्रमुख प्रवेशद्वारका रूपमा पनि चिनिन्छ ।
स्थानीयको भनाइ अनुसार, तस्बिर प्रदर्शनले आन्तरिक तथा बाह्य पर्यटकहरूलाई सिरानचोकका प्राकृतिक, धार्मिक र सांस्कृतिक सम्पदातर्फ आकर्षित गर्ने अपेक्षा गरिएको छ ।
गाउँपालिकाले पनि आगामी दिनमा पर्यटकमैत्री पूर्वाधार निर्माणका कार्यक्रम अघि बढाउने तयारी गरेको जनाएको छ ।
