१४ मंसिर काठमाडौँ । नेपाल क्रिकेट संघ (क्यान)ले लुम्बिनी लायन्सका विकेटकिपर ब्याटर निरोशान डिकवेलालाई कारबाही गरेको छ । क्यानले शनिबार डिकवेलालाई नेपाल प्रिमियर लिग (एनपीएल)को दोस्रो संस्करणमा पोखरा एभेन्जर्ससिवरुद्धको खेलमा नियम उल्लंघन गरेको जनाउँदै कारबाही गरेको हो ।
क्यानले डिकवेलालाई एक डिमेरिट अंक र खेल शुल्कको पाँच प्रतिशत जरिवाना तिराउने निर्णय गरेको हो । डिकवेलाले आचारसंहिताको लेभल–१ धारा २.८ उल्लंघन गरेको जनाइएको छ ।
साथै, क्यानले डिकवेलाले आफ्नो गल्ती स्वीकार गरेको पनि जनाएको छ । लुम्बिनीले शनिबार कीर्तिपुरस्थिगत त्रिवि क्रिकेट रंगशालामा पोखरा एभेन्जर्सलाई तीन विकेटले पराजित गर्दै प्रतियोगितामा दोस्रो जित दर्ता गरेको थियो ।
