१६ मंसिर काठमाडौँ । अख्तियार दुरुपयोग अनुसन्धान आयोगका प्रमुख आयुक्त प्रेम कुमार राईलाई धम्की दिने युवकबारे प्रहरीले अनुसन्धान थालेको छ ।आफूलाई उग्रबादी सङ्गठनको अध्यक्ष बताउने युवकले सामाजिक सञ्जालमा भिडियो पोष्ट गरेर राईलाई धम्की दिएका हुन् ।
अख्तियारको इमेलमा पठाएको भनिएको धम्की पत्रमा प्रकाश पाठकको नाम उल्लेख गरेर अख्तियार प्रमुखलाई ‘सफाया’ गरिने उल्लेख छ ।
उनले भने, ‘अवाञ्छित तवरले धाकधम्की दिएको विषयमा अनुसन्धान भइरहेको छ । आफूलाई एक्ट्रिमिस्ट ग्रुप अफ नेपालको अध्यक्ष बताउँदै ती युवकले भनेका छन्, ‘अख्तियार प्रमुखलाई खुरुक्क राजीनामा गर्न अनुरोध छ अन्यथा १० दिनभित्र हामी सक्काइदिन्छौँ ।ती युवकले आफूलाई प्रहरीले पक्राउ गर्न खोजेको तर, आफू भारतमा रहेको जिकिर गरेका छन् ।
