३ पुस काठमाडौँ । नेकपा एमालेको ११ औँ राष्ट्रिय महाधिवेशनमा केन्द्रीय सदस्य पदमा उम्मेदवारी दिएका गोरखाका अब्दुस मियाँ पराजित भएका छन्।
मियाँले केन्द्रीय सदस्य समावेशी मुस्लिम खुला समूहबाट उम्मेदवारी दिएका थिए। उक्त समूहबाट चार जना निर्वाचित हुने व्यवस्था रहेकामा कुल १० जना उम्मेदवार प्रतिस्पर्धामा उत्रिएका थिए।
केन्द्रीय निर्वाचन आयोगले सार्वजनिक गरेको अन्तिम मतपरिणामअनुसार अब्दुस मियाँले ६७० मत प्राप्त गरे पनि आवश्यक मत नपुग्दा उनी पराजित भएका हुन्।
समावेशी मुस्लिम खुला समूहबाट चार जना उम्मेदवार निर्वाचित हुँदा मियाँ सूचीमा अटाउन सकेनन्। महाधिवेशनमा दुई समूहले आ–आफ्ना प्यानल बनाएर प्रतिस्पर्धा गरेका थिए।
