१० माघ काठमाडौँ । काठमाडौँको प्रमुख पदबाट राजीनामा दिएर सोझै मधेस प्रदेशको राजधानी जकपुरको सभामा सहभागी भएका बालेन त्यसको ७ दिनपछि संघीय राजधानी काठमाडौँ फर्किएका छन् । जनकपुरमा सभा गरेर उनले मेधेस प्रदेशमा केही भेटघाटका कार्यक्रमहरू गरे, त्यसपछि भने उनले आफ्नो ध्यान कोशी प्रदेशमा केन्द्रित गरे ।
माघ ५ गते साँझ कोशी प्रदेश प्रवेश गरेका उनी उक्त दिन उर्लाबारी नगरपालिका–७ पशुपतिमार्गमा रहेको आफ्नो ससुरालीमा बसे ।त्यसको भोलिपल्ट बिहान केही भेटघाट गरेर उनी झापा निर्वाचन क्षेत्र ५ मा उम्मेदवारी दिन पुगे । उक्त दिन उनले उम्मेदवारी दिएर समर्थकहरूलाई भेटघाट गर्दै दमकमै बसेका थिए । भोलिपल्ट उनले आफ्नो निर्वाचन क्षेत्रका मात्रै होइनस झापा, सुनसरी र मोरङका ३ हजार बढी समर्थक र शुभचिन्तकलाई आफू बसेकै स्थानमा दमक–५ स्थित लक्की सिटौलाको घरमा भेटघाट गरे ।त्यसपछि साँझ ४ बजे इलाम उक्लिएका उनले इलाम सदरमुकाममा बास बसे र समर्थकहरूलाई भेटे ।
भोलिपल्ट माघ ८ गते ताप्लेजुङको सदरमुकाम पुगेका उनले आफ्ना समर्थक र शुभचिन्तकहरूलाई भेटघाट गरेर पाथीभरा मन्दिरको दर्शनका लागि त्यसतर्फ प्रस्थान गरे, त्यस दिन माथिल्लो फेदीमा बास बसेका बालेन भोलिपल्ट ९ गते पाँचथर हुँदै तेह्रथुम लागे ।तेह्रथुममा पनि समर्थकहरूसँग भेटघाट गर्दै बालेन शनिबार ९१० गते० संखुवासभा पुगेका थिए । अन्य जिल्लामा औपचारिक रूपमा सामान्य कार्यक्रममा व्यक्तिगत कुराकानी गरेको भए पनि सामूहिक मन्तव्य नराखेका बालेनका तेह्रथुम र संखुवासभाका उम्मेदवारसँगै राखेर सामान्य कार्यक्रम भएको थियो ।
शनिबार बिहान संखुवासभाको कार्यक्रम सकेर बालेन धनकुटा आइपुगेका थिए । धनकुटाको भीमनारायण चोकबाट पैदल हिँड्दै मदन चोकसम्म मतदाता र समर्थकसँग भेट्ने कार्यक्रम तय भए पनि उनी धनकुटा सदरमुकाम सवारीबाटै परिक्रमा गर्दै फर्केका थिए ।त्यसपछि उनले सुनसरीको इटहरीमा समर्थकलाई गाडीबाटै हाइहेल्लो गरे । साँझ विराटनगर आइपुगेका उनले आफ्ना समर्थक र केही उम्मेदवारसँग भलाकुसारी गरे । त्यससँगै आजै साँझ उनी विराटनगरबाट काठमाडौँ लागेका छन् ।
