२२ जेठ काठमाडौँ ।आईसीसी टी२० विश्वकप २०२४ को आफ्नो पहिलो खेलमा नेपालले दियो नेदरल्याण्ड्सलाई १०७ रनको सामान्य लक्ष्य दिएको हो ।
आज बाट सुरु भएको टी२० विश्वकप अमेरिकाको डालासस्थित ग्राण्ड प्रेरी स्टेडियममा टस हारेर पहिले ब्याटिङ गरेको नेपालले १९.२ ओभरमा ९ विकेट गुमाएर १०६ रन मात्र जोडेको थियो ।नेपालले सुरुवातमै दुई विकेट गुमाउन पुगेको थियो । नेपालले दुवै ओपनरलाई तेस्रो ओभर भित्र गुमाएको थियो । खराब सुरुवाट पछि कप्तान रोहित पौडेल एकतर्फ डटेर क्रिजमा रहिरहे ।
नेपालको लागि कप्तान रोहित पौडेलले ३७ बलमा सर्वाधिक ३५ रन,ओपनर आसिफ ४ रन, अनिलले ११ रन,कुशल मल्लले ९ रन ,करण केसीले १७ रन,गुलशनले १४ रन बनाएका थिए । नेदरल्याण्ड्सका लागि टिम प्रिन्गल र लोगन भ्यान बिकले समान ३(३ विकेट लिए । नेपालले आज नियमित ब्याटर सन्दिप जोरालाई टोलीबाट बाहिर राखेको छ ।
नेदरल्याण्ड्सका कप्तान स्कट एडवर्ड्सले टस जितेर बलिङ गर्ने निर्णय गरेपछि नेपालले पहिला ब्याटिङ गरेको थियो । खेल मैदान भिजेका कारण कारण खेल आधा घण्टा ढिलो सुरु भएको थियो ।
